Category: គ្រោះថ្នាក់ចរាចរណ៍

ខេត្តបាត់ដំបង៖ រថយន្ត LEXUS RX330 មួយគ្រឿង សង្ស័យអ្នកបើកបរងងុយដេកបានជ្រុលចង្កូតទៅបុកឃឿនរង្វង់មូលវិមានឯករាជ្យនៅវេលាម៉ោង០៣និង៤០នាទីទៀបភ្លឺ ឈានចូលថ្ងៃទី១៥ ខែកញ្ញា ឆ្នាំ២០២៥ នៅត្រង់ចំណុចភូមិកម្មករ សង្កាត់ស្វាយប៉ោ ក្រុងបាត់ដំបង ។ ប្រភពនៅកន្លែងកើតហេតុបានប្រាប់ថា ករណីគ្រោះថ្នាក់ចរាចរណ៍បង្កឡើង ដោយខ្លួនឯងខាងលើនេះ ដំបូងឡើយគេឃើញរថយន្ត LEXUS RX330 ពណ៌ខ្មៅមួយគ្រឿងដែលមានផ្លាកលេខ ភ្នំពេញ2H-0188 បើកបរដោយបុរសម្នាក់ក្នុងល្បឿនយ៉ាងលឿនបញ្ច្រាសផ្លូវ ទិសដៅពីត្បូងទៅជើង លុះមកដល់ចំណុចកើតហេតុខាងលើបានជ្រុលចង្កូតទៅបុកឃឿនរង្វង់មូលវិមានឯករាជ្យ បណ្តាលអោយខូចខាតរថយន្តផ្នែកខាងមុខយ៉ាងដំណំ តែមិនបង្កអោយមានគ្រោះថ្នាក់ដល់មនុស្សឡើយ។ ក្រោយពេលកើតហេតុ កម្លាំងសមត្ថកិច្ចជំនាញបានចុះដល់កន្លែងកើតហេតុធ្វើការវាស់វែងដកហូតរថយន្តខាងលើទៅរក្សាទុកដើម្បីរងចាំដោះស្រាយតាមផ្លូវច្បាប់។ ដោយ៖ BTB…

រាជធានីភ្នំពេញ ៖ គ្រោះថ្នាក់ចរាចរណ៍ផ្លូវគោក ទូទាំងប្រទេស នៅថ្ងៃទី២៦ ខែសីហា ឆ្នាំ២០២៥នេះ (គិតត្រឹមពីម៉ោង ១៤៖០០ ថ្ងៃទី២៥ ខែសីហា ឆ្នាំ២០២៥ ដល់ម៉ោង ១៤៖០០ ថ្ងៃទី២៦ ខែសីហា ឆ្នាំ២០២៥) បានកើតឡើងចំនួន ៧លើក (យប់ ៤លើក) បណ្តាលឲ្យមនុស្សស្លាប់ ៥នាក់ (ស្រី ២នាក់), រងរបួសសរុប ១៧នាក់ (ស្រី ៣នាក់), រងរបួសធ្ងន់…